باش چیخاران اؤلوم

آذربایجان چاغداش سربست شعر آتنولوژی سی بهانه سی ایله!

    تیترک اللرینده کی سیقارانی سون دفعه اولاراق سوموروب، ائله بوغازینداکی توستونو هاوایا پوفله یه رک الینده کی کاغیذلاردا یازیلان شعیرلره باخیر. خورما رنگلی ساچلاری پاریلداییر. سیچدیگی شعیرلر و شاعیرلرین بیوگرافیلاری ذهنینده دیر.

اٶیکوجو                               چئویرن علی عباسی a86ab@yahoo.com      

 …و بو اٶیکونو آنلاتماغا باشلادی. اوقدر قدیم اییدی کی بواٶیکو; یاخینیمیزداکی یاشلی ااینسآنلار دا بو اٶیکونو بیلمه ییردیلر. اونودولموش بیر کئچمیشدن گله ن اٶیکوجو هامیمیزا بیردن حوکم ائدییردی. سسینین تونو یوکسلیردی.

                                    اوچ قارقا آنقيرتيسي

                                     آلاتورانليق

   دومان گله جه يي بورودو. گله جك تاريخه:  " سن هئچ زامان زنينجه ياشاماياجاقسان. اودوزموش سيلاحلار و سينميش دووارلار سني بوراخماياجاقلار . ندن منه قووشماق ايسته ييرسن ؟! " دئدي.  گله جك بورنو اوستونده كي ميلچه يي ووردو. تاريخ ميلچه يي ثبت ائتدي.

بٶهتان

    حاج ممی بایرام آخشامی توکانینی سیل سوپور ائدیردی. خیریم خیردانین ایچینده بیرجیب تئلئفونونو تاپدی. اونا باخدیقدا نئچه آی قاباق ایتیردیگی تئلئفون اولدوغونو آنلادی. حاج ممی او زامان یازیق توکان شاییردینی ائله بو جیب تئلئفونونون اوغرولوق بوهتانی ایله توکاندان ائشیگه سالمیشدی.

                                                                                                ارسوی