دونيا آنا ديلي گونو موناسيبتينه بير گزارش

مهنازمي – سونامي!!!

    چينيمده عكس ماشيني ، اليمده بير چانتا يولا دوشورم . مقصديم بير ابتدايي مدرسه ( دبستان ) دير. مدرسه نين مودورو خانيم ك... لا تلفونلاشيب،  مدرسه دن بير گزارش آلما ايذني ني آلميشام.

     يولدا اوز –اوزومله دوشونورم:" اوشاقلارلا نئجه دانيشاجاغام . اوز سورولاريمي نئجه اونلارا  دوشوندوره جه يه م.

بير خصوصي مسئله

او چوخ كدرلي دير. بر خصوصي بلكه ده بير غيرخصوصي مسئله اوچون كدرلي دير.

ميزين اوستونده كي پوسته لر اونا گولورلر.

پوسته لردن گولمك لرين ايسته دي.

پوسته لر سوزه قولاق آسمايان اوشاقلار كيمي ديرلر.

پوسته لر يئنه ده گولدولر.

اوغلان هئچ گولمه دي. حيرصله ندي.

گولر پوسته لرين دوداقلاريني بير بيرينه سيخيردي. بلكه گولمه سينلر.

پوسته لر دوداقلاريني اوغلان توتاندان سونرا داها چوخ گولدولر.

قاه قاه چكيب، شاققيلداييب اوجادان گولدولر.

اوغلان ايندي كدرلي دئیيل. او بوتون گولمه ين پوسته لري يئييب. اوغلان گولور.

بو سونوجو خوش اولان بير حيكايه دئيل.

سيزه بير حئكايه آنلاتماق قصدينده دئييلم. دوغروسونو ايسته‌رسه‌نيز، بو حاديثه‌نين نئجه باش وئردييني اؤزوم ده هئچ خاطيرلاماييرام.

اؤلوم يوخوسو

                                                           اوچ ساعات آزادليق كيتابيندان

   آييلديقدا اؤزومو اوتاغين دامينا زنجيرله آسيلميش الكتريك لامپ­لارينين يانيندا داما ياپيشميش گؤردوم. ندن باشقا جيسم­لر كيمي يئر جاذبه­سينين تاثيرينده يئرين اوستونده اولماديغيمي آنلاياجاق وضعيتده دئييلديم.

مني سئومك

              سندن بير شئي آزالتماز كي.

                           - گونش آزالمادان ساچير -

مني گؤرمك

              سندن بير شئي قوپارماز كي

                            - آراز بؤلونمه دن آخير-

منيم اولماق

             سندن بير شئي گؤتورمز كي

                           - يارين قورتولمادان گلير-

سني سئومك

           مندن بير شئي ...

- گونش اؤز ايچيندن يانير-

26/7/86

  ...

 

قارانليغين ايچينده من

بير شمعين شرفينه

اوز باشيما دولانيرام.

         - دئدي شاعير

جهنمين اورتاسيندا

دونور دورور

اوز آهيملا آليشيرام .

       - دئدي شاعير.

و

بيلمه دي

قارانليقدا يانان شمعين ايشيغيندان يارانميشدي

بوتون گونلر.

بير گونشين سانجيسيندان كوورلميشدي

بوتون آه لار.

         ***

بيز قاپيني ترسه چاليب،

قارا قوچا قارا گونده مينيب گئتديك.

و شاعيرلر بيلمه ديلر

ندن

    ندن جهنمين اورتاسيندان كئچيب گئتديك!

ويا ندن سحر دئيه

بوتون گئجه

سئوگي ايچديك!

و شاعيرلر بيلمه ديلر نيه گئتديك!؟