زومرود

X

** نه اؤلودو نه ديري ** نه يوخولو نه اوياق ** كومادادير بو توپراق **

زومرود

زومرود zümrüd

ادبیات . . . . . . . دوشونجه . . . . . اینسان

	صاف شعر يوخدور
صاف شعر يوخدور اينسانين ، ايچيندن كئچن لري آنلاتماق ايسته مه سيندن طبيعي نه وار! گونون دوشونجه لر ايچيندن چيرپينان اوتانج آنلاييشي ، الينده كي لرينين فعله گتيره بيلمه ديگي اينانجيندان دير. دوروم (وضعيت) بئله اولاندا، عشق يئرينه—بو ايناجداكيلارين كيتابينا گؤره- گئتديكجه اوجالان بير سسله سياست ايستيلشمه يه باشلانيرسا، او زامان قيامت اولار. چونكو ، دميرلر آياغيمين باش بارماغيني اَزنده نه قيمته اولور اولسون سوسمالييام. شاعير سازيني الينه آل... هه آمما ، سحر قزئته ني اوخودوقدان سونرا ، باغيشلانمايان پيسليك لري و چرت سؤزلري گؤردويونده و فقط عسگرليك زامانينا و «fas» ساواشينا قارشي چيخيب، سؤزده احتياطلاري اطاعت سيزليگي معني ائدن كيشي لر ، بيلينمه ين يئرلرده 30 ايل ، 10 ايل حبس لره محكوم اولدوغوندا، بوتون بونلارا ، دويغولانماق كيمي غيرعادي بير اوزسوزلوك گؤسترمك يئرينه ، آغزيني يوم! آراگون
+ يازيليب دي پنجشنبه 1387/01/29ساعات 20:38 يازار علی عباسی \|

	آلبر كامو
آلبر كامو آلبر كامو بيرينجي دونيا ساواشي باشلامادان بير ايل اول يعني 1903 جو ايلده الجزاير ده يوخسول بير عايله ده دونيايا گوز آچدي. آتاسي بيرينجي دونيا ساواشيندا اولدورولدو. آناسي وارلي لارين ائولرينده ايشلمك له ياشاييردي. كامو چوخلو چتينليك لره راغما الجزيره شهرينده تحصيلاتيني فلسفه بولومونده قورتاردي. كامو درس اوخودوغو حالدا يوخسول اولدوغو اوچون چئشيدلي اشلرده ده ايشله دي. او قيسا عومرو بويونجا ائو آليش ساتيش مركزينده واسيطه اولوب واختيلادا الجزاير و فرانسادا ژورناليست ليك ائديب دير. ايكينجي دونيا ساواشيندا آلمانلارا قارشي اولاراق دويوشدو. ساواشدان سونرا (C0MBAT) ” دويوش“ آدلي گوندليك درگي نين باش يازاري اولدو. 1957نجي ايلده ادبيات نوبل اودولونو قازاندي. كامو 1960 نجي ايلده بير سوروجولوك قضاسيندا اولدو. كامو چوخلو كيتابلار يازيب. اوزگه (etranger) 1942 ده نشر اولوندو. بو كيتابي جلال آل احمد فارسجايا چئويريبدير. كامونون ايكينجي اثري كاليگولا آدلي بير نوماييش دير. سو تفاهم كامونون اوچونجو اثري ساييلير. بو اثر ايكي مهمانخاناچي نين حئكايه سيدير. بو ايكي مهمانخاناچي اوز قارداشلاريني تانيماييب اونون پوللو اولدوغونو ذن ائديب اونو اولدورورلر. عدالت ليلر آلبر كامونون باشقا بير يازيسي دير. بو ناغيلين قهرماني اونا اولان ايشكنجه لر سونوجوندا اخلاقي و عرفي ده يير لره اعتناسيز اولور. آلبر كامو بو كيتابدا بئله سونوجا يئتيشير: بشريتين باشاريسي اوچون دونياني اوست آلت ائتمك واجيب دير. ائله بونون اوچون ده آماجا چاتماق اوچون هر ايشي گورمك اولار. عيني حالدا اوتانج وئريجي دويوشلري به يه نمه يير. آلت اوست، ياي فصيلي، سقوط، من بوشلوغون پئيغمبري دئييلم ( بوشلوق فلسفه سينه عايد اولان اون مقاله دن بيري)، طاعون، سفر و حضر ، سي زيئف افسانه سي و حكومت نيظامي اونون باشقا يازيلاريندانديرلار.
+ يازيليب دي دوشنبه 1387/01/12ساعات 18:55 يازار علی عباسی \|