«آزاد»لیغی هانسی «صرافی»دن دیلنمک اولار! اصلا آزادلیغی دیلنمک اولارمی؟

و «کیملیگیمی» کیم دن سوروشابیلرم سیزسیز؟

و اردبیلین هاواسینی کیمین گؤزلریندن آلاجاغام سنسیز.

یوخ

یوووووووخ

سیرا هئچ زامان منه یئتیشمه یه جک.

آخی....

آنامین یاشماغینی کیم منه تانیتدیراجاق اصالت سیز بیزلرین آراسیندا داها؟

داهاسی یوخ بونون!

آنلاملار و اینسانلار. گئجه نین غمی یوخ کی منیم کیمی و اینسانلار کیمی

گئجه ساده جه قارانلیق دیر. سحرین آیدینلیغینی بیله بیله

دیلنچی - من - قانلی چؤرک

* علی عباسی

نئجه سینی نه من بیلمیشدیم نه ده کوچه باشیندان هر گون ساعت یئددی ده کئچن کور دیلنچی میز.

سنین اللرینده کی او قانلی چورک لری هم من همده محله میزدن هر سحر وئرد اوخویوب کئچن دیلنچی گوروردو.

البته کی سنین الینده کی چوره یینین ندن قانلی اولدوغونو بیلمک ایسته ییردیم. آنجاق بللی دیر کی بو حئکایه نین سونونا قدر نه من و نه ده باشقا سی بونون ندنی نی بیلمه یه جک دیر.

سوز بوراسیندادیر کی سن وئردیین ایپ اوجولاردا منی بیر یئره یئتیره بیلمه جک دیر. آغالار "آدلارینا" قشو چکیردیلر و نوکر لر ده "آتلاری" اونلارین آدلارینا لایق اولاجاغی قدر تومارلییردیلار.

سنین اللرینده کی بو سحیرلی سببی نئجه آنلایاجاغیدیم.

بیر گون غفیلدن هئچ نه سنین،  نه منیم و نه ده حئکایه نین باشلانیشیندا آدی چکیلن دیلنچی نین خبری اولمادان غفیلدن شهری دؤره له دیلر. سنین اللریندن چوره یینی، منیم گوزلریمدن سنین اللرینی و دیلنچی نین دوداغیندان وئردلرینی آلدیلار.

 سون

آتا گنج  اوغلونون سیگارا ایچمه سینی گوردو.

شاشدی. حیرسیندن بیر سیگارا آلیشدیردی.

- -  - - - - - - - - - - - - - - - - - - - - - - - - -

* قدیم تبریزلی لر سیگارایا پاپریز دا دئییرلر. 

                       Paprız*                    

      Ata gənc oğlunun siqara içməsini gördü.

Şaşdi.

Hirsinden bir siqara alişdirdi.

- - - - - - - - - - - - - - -

*qədim təbrizlilər siqaraya paprız da deyirlər

    -   -   -   -   -   -   -   -   -   -   -   -   -   -   -   -   -   -   -  

شاعیرلر توتولور و مباریزلر
س:
ج:
س:
ج:
س:
ج:
اَده، دئمه سی چوخ راحاتدی بولامسسبین
آغ ایشکنجه کیمی نه وار کی
دوزن لر پوزولور، و اینسانلار...
و شاعیرلر دوستاقلاردان
شاعیرلرده توتولورلار باشقا بیر طور.
و هامی توتولور
یاغمور بویلو اولان  بولودلار کیمی.