زومرود

X

** نه اؤلودو نه ديري ** نه يوخولو نه اوياق ** كومادادير بو توپراق **

زومرود

زومرود zümrüd

ادبیات . . . . . . . دوشونجه . . . . . اینسان

	من بو ناغیلین سونونو تحریف ائدیب، ترجمه ائتدیم!
آنا و اوغول گئجه نین یاریسیندان اوچ ساعات کئچمیشدی. تئلئفونون سسی اوغلانی یوخودان اویاتدی. زنگ آچان آناسی ایدی. اوغلان حیرسله دئدی: نیه گئجه نین بو واختیندا منی یوخودان آییتدین؟ آنا دئدی: ۲۵ ایل بوندان قاباق ائله دقیقا بو ساعات دا سن منی یوخودان آییتدین. یالنیز ایسته دیم دوغوم گونونو سنه تبریک دئیه م. اوغلان آناسینین اوره یینی سیندیردیغیندان سحره قدر یوخلایا بیلمه دی. سحر آناسینین ائوینه گئتدی. ائوین ایچینه گیردیینده آناسینی تلفون میزینین آرخاسیندا گوردو. یاریم یانمیش بیر شمع تلفن میزینین اوستونده ایدی آنجاق آناسی بو دونیادا دئییلدی. من بئله سونو سئومیرم. یوخ... اویکوموز بئله قورتاریر. آناسینی تئلفون میزینین آرخاسیندا الینده تئلئفون گوردو. آناسی اویوموشدو. الینده کی چیچکلری آناسینین سینه سی اوستونه قویدو. آنا گوزلرینی اوغلونون اوزونه آچدی. سون -------------------------------------------------------------------------------- مادر و فرزندش ساعت 3 شب بود كه صداي تلفن , پسري را از خواب بيدار كرد. پشت خط مادرش بود .پسر با عصبانيت گفت: چرا اين وقت شب مرا از خواب بيدار كردي؟مادر گفت:25 سال قبل در همين موقع شب تو مرا از خواب بيدار كردي؟ فقط خواستم بگويم تولدت مبارك. پسر از اينكه دل مادرش را شكسته بود تا صبح خوابش نبرد، صبح سراغ مادرش رفت . وقتي داخل خانه شد مادرش را پشت ميز تلفن با شمع نيمه سوخته يافت ولي مادر ديگر در اين دنيا نبود. -------------------------------------------------------------------------------- اتک یازی: من آنامی سئویرم، تورپاق گوزلدیر! قایناق : آفلاین یاهو مسنجر !
+ يازيليب دي سه شنبه 1388/04/16ساعات 19:8 يازار علی عباسی \|

	سرسمله مه
سرسمله مه لعنت اوخویوم؟ کیمه؟ نیه؟ یوخ من راحاتام. بیر آز گرگین،بیر آز یورقون بیر آز دا دالغینام. نه ائدیم؟ نه ائده بیلرم کی؟ یوخ شعار وئرمیرم. دوشونورم. و هله دوشونمک قابلیتیمی الدن وئرمه دییبم اوچون و دوشونمک اوزگورلویومو الیمده توتماغیمدان شادام. دون گئجه یازدیغیم بیر نئچه حئکایه می و بیر سورو شعریمی جیریب زیبیل دولچاسینا سالدیم. هه.. یئددی کیلو کیتابی دا کیلوسو ۵۰ تومن دن ساتدیم. بو کیتابلارین یئری همیشه لیک منیم کیتاب رف لریمده بوش قالاجاق. بیرده کی ۳۵۰ تومنی ده اونلارین بوش یئرینه قویدوم. نه ائدیم؟ الکتریک کیتاب کارتیمین شارژی قالیر. دوشونورم صاباح گئدیم اختره و دولدورما بئش اون کیتاب آلام. اوشاق کیتابلاریم دا اوزوم کیمی یاریم جان قالیب. نه چیخاجاقلاری نه ده چیخمایاجاقلاری بللی دئییل.
+ يازيليب دي جمعه 1388/04/12ساعات 21:6 يازار علی عباسی \|

	من نه منم نه من منم !
جهانا سیغیب حتی بیر شهرین ۵۰ مئتره لیک آپارتمانیندا دا دونیامیزی قوروروق. من بو شهری و بو توپراقی سئویرم و بوردا یاشایان اومودسوز خالقی دا. تانیدیغیم بیریسی داهی بورالاری به ینمه ییر. من دوشونورم بو تانیش بیزیم موسیقی نی ائشیدنده اگر لذت دن باشقا دونیایا گئدیرسه، بیزیم شعیرلری اوخویورسا عالم لری سیر ائدیرسه و.. و گوزو بیزیم خالق ایچین یاشلانیرسا ندن بئله اولوب؟! بلکه بو تانیش بیزیم چوخوموزا تای تقلید ائتمک اوچون و شهرت قازانماق اوچون وطن وطن دئییرمیش و بلکه ده نه بیلیم من یانلیش دوشونورم. بلکه دونیا بئله دیر اصلینده. بویوک بویوک دانیشانلار کیچیک کیچیک یاشارمیشلار! ساغ قالین - ساغ قالین
+ يازيليب دي شنبه 1388/04/06ساعات 9:14 يازار علی عباسی \|