زومرود

X

** نه اؤلودو نه ديري ** نه يوخولو نه اوياق ** كومادادير بو توپراق **

زومرود

زومرود zümrüd

ادبیات . . . . . . . دوشونجه . . . . . اینسان

	اؤلوم
اؤلو/ تام اودن کرینز بو قارانلیقدا اوشویورم. بو آخشام، قارانلیق بیر جاده ـده یوک داشیماغیما گؤره بئش مین دولار آلاجاقدیم؛ گئجه لیک بالاجا بیر ایش. "پاکو" اوردایدیسا، ایش آنجاق ایسته ـنیلن کیمی گئتمه ـدی... قارانلیقدان چیخمیش، ایندی گؤز قاماشدیران بیر ایشیغین آلتیندایام. آغ گئییملی بیر کیشی، آیاق بارماغیمداکی پلاکدان آدیمی اوخویور. من جواب وئره بیلمیرم. چئویرن:رضا کاظمی -------------------------------------------------------------------------------- *اؤلوم تام اودن کریتز بو قارانلیق دا اوشویورم قرار ایدی گئجه نین اولینده بیر باغلی یوکون داشیماسینا گوره بئش مین دولار آلام. یول قارنلیق دی . گئجه ایشی بئله اولور. "پاکو" اوردایدی آنجاق ایشین بیر یئری آخساییردی. قارانلیق دان چیخمیشام و گوز قاماشدیران ایشیغین ایچینده یم. آغ پالتارلی بیریسی آدیمی بارماغیما باغلانان کاغاذدان اوخویور. من جاواب وئره بیلمیرم. چئویرن: علی عباسی** -------------------------------------------------------------------------------- داستانهای ۵۵ کلمه ای/the world's shortest stories/ steve moss/ فارسجادان چئوريلميشدير.
+ يازيليب دي پنجشنبه 1388/06/05ساعات 12:31 يازار علی عباسی \|

	بو هرجايي زمانه
بو هرجايي زمانه اللريمدن اوزاقدادير اولدوزلار اوزاقدير يوللار. و ساوالان بولودلارين آلتيندا. الينده كي دوندورمادان منه ده وئر ايسته ميرسن ايسته ميرم كيم قازيبدير بو قويونو؟ درين .... گئن ..... كيم قازيب دير بو قويونو؟ قارداشيما سالام وئرسم درين و گئن بو قويودا كوهنه چوروك كومور كيمي قاراليريق. قارا داشيم... قارداشيم ... قار... داش... و داشلانير جمدييميز جنازه لر اوله سينده! بو قويودا اولن منم. يوخ دئميرم اولمه ييمي پالاز اوسته گتيريب لر . يوخ دئميرم باشيم اوسته لحد داشي بو قويودا بو چوخوردا دارتينيرام قارا داشا. ساچ اوزاديم؟ نذير دئييم؟ يوخسا يوخسا... من بيلميرم بو هرجايي زمانه ني يوخسا كيمي يامانلاييم!
+ يازيليب دي چهارشنبه 1388/06/04ساعات 17:50 يازار علی عباسی \|

	من بو گونلر يوخويا حسرتم
من بو گونلر يوخويا حسرتم دوستلاردان بيرينين يوخوسونا حسرتم. آغا ۲۴ ساعاتدا ۲۵ ساعات ياتابيلير. من يازيق دا كي اصلا ياتا بيلميرم. گئجه ساعات ۱۱ ده ائوه يئتيشيرم. بو آغا سيقار چكير. منيم ايكي باراباريم يئمك تيخير. ولي نه ائديم كي اوز دئديينه گوره باشيني ياسديغا قويدوغو آن يوخلايير و خورولتوسو قولاق كار ائدير. بعلي! دوزدور كي من ده خورولدورام. آنجاق بو گونلر گوزلريمه يوخو گيره نه قدر جانيم چيخير.
+ يازيليب دي چهارشنبه 1388/06/04ساعات 17:40 يازار علی عباسی \|