لاتین آلفابتی یوخسا عرب الفباسی! مسئله بودورمو؟

یوخ! مسئله بو دئییل! منجه بیزیم مسئله میز لاتین یادا عرب الفباسی دئییل. اینترینت دونیاسیندا و  دوغرو دونیادا آذبایجان تورکجه سینین  چوخلو ماراقلیلاری بیزیم دیلیمیزین اساس الفباسینین لاتین اولدوغونو دئییرلر.

من هارا.. افغانستان هارا!

(افغانستان تورکلری حاقیندا)

طبيعي دير كي چوخلارينين چوخ شئي لره اعتيادلاري واردير. مثلا چوخ اينسانلار افغانستان سوغاتلارينا معتادديرلار و بو سوغاتلاري الده ائتمك اوچون اللريندن گلني اسيرگه مزلر. البته منيم ده بير اعتياديم وار. هر گون وب سيته لري گزمك، اوزومون وئران قالميش وبلاقيمي كنترل ائتمك ده منيم اعتياديمدير.

البته منيم بوردا اعتياد حاقيندا يازماغا قصديم يوخدو. بويون سحر ايش يئريمه گئتديكده هر گونون عادتينه اوياراق بيلگي سايار (كامپيوتر!) باشيندا (قارشيسيندا!) اوتوروب و زومرودون كامنتلرينه باخيرديم. سون كامنتي ائلمان آدلي بيريسي يازميشدي.
او كامنتي عينا بوردا يازيرام: بونلارا باخين افغانستاني تانيين
http://saharnur.blogfa.com/
http://baqish.blogfa.com/
http://www.qizil.blogfa.com/
http://zumrut.blogfa.com/
http://noorquyash.blogfa.com
من بو وبلاقلارين بير نئچه سينه باخديم. درين بير حيس اوياندي ايچيمده. بيلميرم نه دير بو حيس لر . آنجاق بونو بيليرم كي من بعضي اعتقادلاريمي ده ييشمه لييم. بعضي اينانج لاريمي زيبيل قابينا آتمالييام و دونيايا يئني دن باخمالييام. سيزين ده بو وبلاقلارا باخماغينيزي توصيه ائديرم. زياني يوخدور.ا