بو هرجايي زمانه

اللريمدن اوزاقدادير اولدوزلار 
اوزاقدير يوللار.
و ساوالان بولودلارين آلتيندا.
الينده كي دوندورمادان منه ده وئر
ايسته ميرسن
ايسته ميرم
كيم قازيبدير بو قويونو؟
درين ....
گئن .....
كيم قازيب دير بو قويونو؟
قارداشيما سالام وئرسم
درين و گئن بو قويودا
كوهنه چوروك كومور كيمي قاراليريق.
قارا داشيم... قارداشيم ... قار... داش...
و داشلانير جمدييميز جنازه لر اوله سينده!
بو قويودا اولن منم.
يوخ دئميرم اولمه ييمي پالاز اوسته گتيريب لر .
يوخ دئميرم باشيم اوسته لحد داشي
بو قويودا بو چوخوردا دارتينيرام قارا داشا.
ساچ اوزاديم؟
نذير دئييم؟
يوخسا
يوخسا...
من  بيلميرم
بو هرجايي زمانه ني
يوخسا كيمي يامانلاييم!

سن هیجان دولو،

              گئجه یوکلو قارانلیقدان سوز آچیرسان.

سن هئی هارای

سن بیر گئجه سحرسیزلیگ دونیاسیندان.

سویوقدور سوس.

سوکوتونا اولدوزلار قوناق گله جک.

بیر توزلو دفتر الینده سحردک سوز دئیه جک.

یالنیز

      مرمی سورعتی ایله

گووده دن آیریلان جانلار.

بورالاردا

     سیچانلار خاچ ملعبه سینده

جینایت چئینه ییرلر.

و پئترول لوله لری سویوقدان و سیلاح یوک لری حقیقتدن

قوروماقدادیر اونلاری.

آه آوروپا عدالتی!

آیی پیسلیگیندن بسله نن سیچانلار نه جینایتلر چئینه دیلر کولگه نده!

و ایسلامی قارداشلار  عیرقا" و لیسانا" باغلیدیرلار می بونلار؟!!!

بورادا عینا

سلماس کیمی خوی کیمی و اورمو کیمی سیچانلار مچید اودلاماییب قارین دئشمه دیلر.

مني سئومك

              سندن بير شئي آزالتماز كي.

                           - گونش آزالمادان ساچير -

مني گؤرمك

              سندن بير شئي قوپارماز كي

                            - آراز بؤلونمه دن آخير-

منيم اولماق

             سندن بير شئي گؤتورمز كي

                           - يارين قورتولمادان گلير-

سني سئومك

           مندن بير شئي ...

- گونش اؤز ايچيندن يانير-

26/7/86

  ...

 

قارانليغين ايچينده من

بير شمعين شرفينه

اوز باشيما دولانيرام.

         - دئدي شاعير

جهنمين اورتاسيندا

دونور دورور

اوز آهيملا آليشيرام .

       - دئدي شاعير.

و

بيلمه دي

قارانليقدا يانان شمعين ايشيغيندان يارانميشدي

بوتون گونلر.

بير گونشين سانجيسيندان كوورلميشدي

بوتون آه لار.

         ***

بيز قاپيني ترسه چاليب،

قارا قوچا قارا گونده مينيب گئتديك.

و شاعيرلر بيلمه ديلر

ندن

    ندن جهنمين اورتاسيندان كئچيب گئتديك!

ويا ندن سحر دئيه

بوتون گئجه

سئوگي ايچديك!

و شاعيرلر بيلمه ديلر نيه گئتديك!؟

اوره ييمدن

      سني سئومك كئچنده

ندنسه بير پاييز

                 آغاجلانيرام

هردن بير قوش اولوب سني اوچورام

بيردن

      سنسيزليكده سونوجلانيرام

او  اسکی بیر اویرتمن دی بو شهرده

احتمالا هربیریمیز اونون کیلاسیندا اولموشوق

هر بیریمیز بلکه ده بیر سوزجوک اویرنمیشیک او کیشی دن

خیاواندا ترافیک ایشیغی اولور او ایندی.

شاپو سویلا عجیبه بیر گورونتو لر یارادیب دیر اوزونه

هله بیر زاماتلار شهر شوراسینا آدای دا اولموشدو.

 ترافیک ایشیغی اویرتمن!

یئنه یاغمور اوزرینه

ناظیم حیکمت

  سئرچه قوشلاری کیمی یاغمور

چینکو داما سپدییم

چورک قیرینتی لاریمی

یئییر تلاشلی تلاشلی، تیکه – تیکه.

   سیرچه قوشلاری کیمی یاغمور.

آغ قرنفیل      ناظیم حیکمت

آغ بیر قارانفیل کیمی چاتلاییب دا،چکیردک.

آتم باغچالارینا یورویومجه آیدیلیق،

 یالنیز ماراقلی لاری دئیییل،

بوتون اینسانلیق شعرین آیناسیندا

اوزونو سیر ائده جک