هامی بو سوزو دئییر. آنجاق دوغرودان بیزیم بونا نه قدر اینانجیمیز واردی. داها دوغروسو اصلا بیز بو دونیادان کوچمه یه حاضیریق؟! من بوردا دینی فلسفی اینانجلارا توخونماق ایسته میرم. بلکه بونلار منیم صلاحیتیمده دئییل.

آنجاق منیم ذهنیمده اولان مسئله بودور کی بیز دوغرودان اولوم حاقیندا نئجه دوشونوروک. من بیلسم کی ائله ایندی بئش دقیقه سونرا داهی روحوم بدنیم دن آیری اولاجاق نه حالا قالارام.

بیز اولومه اینانمیریق. اولومو چئوره میزده گوروروک آنجاق اونون بیر گون ده بیزیم قاپیمیزی چالاجاغینی بیلمیریک یادا بیلمک ایسته میریک.

بیر شاعیر ده بو دونیادان کوچدو. گونو گوندن میکانیک لشن دونیادان. هر گون داها دویغوسوزلاشان دونیادان بیر شاعیر بیر اینسان داها آزالدی.

یقین کی سیز بیلیرسینیز من کیم دن دانیشیرام!

آلله اونا رحمت ائله سین