زومرود - سرسمله مه

X

** نه اؤلودو نه ديري ** نه يوخولو نه اوياق ** كومادادير بو توپراق **

زومرود - سرسمله مه

زومرود zümrüd

ادبیات . . . . . . . دوشونجه . . . . . اینسان

	سرسمله مه
سرسمله مه لعنت اوخویوم؟ کیمه؟ نیه؟ یوخ من راحاتام. بیر آز گرگین،بیر آز یورقون بیر آز دا دالغینام. نه ائدیم؟ نه ائده بیلرم کی؟ یوخ شعار وئرمیرم. دوشونورم. و هله دوشونمک قابلیتیمی الدن وئرمه دییبم اوچون و دوشونمک اوزگورلویومو الیمده توتماغیمدان شادام. دون گئجه یازدیغیم بیر نئچه حئکایه می و بیر سورو شعریمی جیریب زیبیل دولچاسینا سالدیم. هه.. یئددی کیلو کیتابی دا کیلوسو ۵۰ تومن دن ساتدیم. بو کیتابلارین یئری همیشه لیک منیم کیتاب رف لریمده بوش قالاجاق. بیرده کی ۳۵۰ تومنی ده اونلارین بوش یئرینه قویدوم. نه ائدیم؟ الکتریک کیتاب کارتیمین شارژی قالیر. دوشونورم صاباح گئدیم اختره و دولدورما بئش اون کیتاب آلام. اوشاق کیتابلاریم دا اوزوم کیمی یاریم جان قالیب. نه چیخاجاقلاری نه ده چیخمایاجاقلاری بللی دئییل.
+ يازيليب دي جمعه 1388/04/12ساعات 21:6 يازار علی عباسی \|